उठा उठा हो सकळीक...

उठा उठा हो सकळीक
भिजवून ठेवा कणिक
मुले बायको इत्यादिक
डबे भरून धाडावे।

करून नंतर स्नानदैनिक पूजापठण
टीव्ही पहावा बैसुन
सारा वेळ ।।

नंतर उघडुनी हातपाटी
जाउनि बसावे इंटरनेटी
फेसबुकी गाठीभेटी
घ्याव्या खाश्या ।।

संध्याकाळिचे खाणे
बायकोवरि ढकलिणे
आपण वाचित बसणे
वृत्तपत्र ।।

करुनी दमल्याचे सोंग
करावे झोपेचे ढोंग
सारे दुखतसे अंग
ओरडावे ।।

अनि म्हणे निर्दोष
करणे आत्मनामघोष
जोपर्यंत मिळे तोष
सर्वांलागी ।।

-अनिरुद्ध रास्ते
(माझे मेहुणे रवी रामतीर्थकर यांनी माझ्यासाठी एक ओवी तयार केली. त्यावरुन सुचलेल्या ओळी)