पाणीपुरीभक्षण पूर्ण होता,
तोंडी चवींचा कल्लोळ असता,
घसा, नाक, जीभेवरी जाळ वाटे
तरी एक खाऊ अशी आस दाटे!
अशावेळी येई मग शांतिकन्या
मोहातुनी या मज सोडविण्या
हळू जात जिव्हासनी बैसते ती
'कुरुम्' नादिता पावती चित्तवृत्ती!
अशा खाद्यकर्मास नित्ये करावे
पाचापुरीयज्ञ त्यासी म्हणावे
पुजा लाभते जैसी फलश्रुतीने
पा.पु.ही लाभे मसालापुरीने!!!
-अनिरुद्ध रास्ते
No comments:
Post a Comment