आमुच्या कपाळी आहे.....

चंद्रमा हसे नभी शांत शीतल चांदणे।
आमुच्या कपाळी आहे अमृतांजन लावीले..।।

चालता तिच्या सवे, वेळ नकळे जाहला।
चाटताना शीत गोलक वात शीतल बाधले।।
आमुच्या कपाळी आहे.....

चुंबु का तव गाल मी, धीर करुनी बोललो।
कावुनी मजवरी परी, शीर दगडी ठोकिले।।
आमुच्या कपाळी आहे.....

लक्ष नाही पाहुनी हळूच खोडी काढली।
दावुनी मज 'कराते', हाड माझे मोडिले!।।
आमुच्या कपाळी आहे.....

अश्रु येता आतुनी हळुच माफी बोललो।
त्याच हाताने तिने प्रेम मजला दाविले।।
आमुच्या कपाळी आहे.....

-अनिरुद्ध रास्ते