का पितोस बाळा, दुःख दाबण्यासाठी?
का पितोस बाळा, स्वप्न फुलविण्यासाठी?
विश्वास आतला, तुझा तुझ्यावर नाही?
की आधार मनाचा, तुझाच तुजला नाही?
मद्यप्राशनासाठी, कारण का लागावे?
स्वतःवरी मदिरेला, राज्य करु का द्यावे?
मलाही अनुभव आहे, हरवून कधी जाण्याचा
परंतु त्यापायी रे, नियंत्रण का हरवावे?
जल्लोष नसावा किंवा, नसो कुठे ओशाळा
सुरा सुरांची घेता, नको कोणता चाळा
ताब्यात तिच्या जाताही, ताब्यात तिला ठेवावे
दुःखांना अन् स्वप्नांना, स्वतःच सांभाळावे!
- अनिरुद्ध रास्ते
