उसळ म्हणाली पावाला
बघतोय मेला गाववाला ।
घाम फुटला कांद्याला
लिंबू पळाले कोपर्याला ।
शेव कोथिंबीर कुचकामी
तूच मला वाचवायला ।।
'लग्गेच येतो' पाव म्हणाला
जाळ तर्रीला घेऊन निघाला ।
तेल तिखटाचा कोट केला
मिळून करूया मुकाबला!
वेगळे उरलो नावाला
मिसळ म्हणूया आपल्याला!
ऐकतो कुठला गाववाला
चमचा घेऊन तो भिडला ।
तर्रीत टाकले पावाला
बाकीच्यांचा एकच काला ।
मिटक्या मारीत सगळे खाऊन
आनंदाने निघून गेला!!
- अनिरुद्ध रास्ते
No comments:
Post a Comment